Fövqəladə Hallar Nazirliyi Sumqayıt şəhəri, 22-ci məhəllədə yerləşən Sumqayıt Dövlət Texniki Kollecinin korpusunda baş verən yanğınla bağlı məlumat yayıb.
Qurumdan "Tehsil.biz"ə verilən məlumata görə, yanğın nəticəsində hər mərtəbəsi 512 kvadratmetr olmaqla ümumi sahəsi 1024 kvadratmetr olan ikimərtəbəli binanın 2-ci mərtəbəsində altı otağın yanar konstruksiyaları 200 kvadratmetr sahədə və dam örtüyünün yanar konstruksiyaları yanıb.
Binanın böyük hissəsi, bitişik olan korpusu və yaxınlıqdakı evlər yanğından mühafizə olunub.
Təhlükəsizlik tədbirləri çərçivəsində 8 nəfər sakinin təxliyəsi həyata keçirilib.
Həmçinin oxuyun: Kollec yataqxanasındakı yanğında xəsarət alanlar evə buraxılıblar
