Azərbaycan Dövlət Neft və Sənaye Universitetində (ADNSU) 2023/2024-cü tədris ilinin payız semestrinin imtahan sessiyasının əsas hissəsi uğurla keçirilib və hazırda imtahanlar davam edir.
Bu barədə "Tehsil.biz"ə ADNSU-dan bildirilib.
Yazılı, yazılı-şifahi şəkildə yanvarın 25-dək imtahanlarda ümumilikdə 48950 tələbə-imtahan keçirilib. Onlardan 8534 nəfər əla, 6611 nəfər çox yaxşı, 8694 nəfər yaxşı, 8135 nəfər kafi, 14261 nəfər qənaətbəxş, 3122 nəfər qeyri-kafi qiymət alıb. 1932 tələbə imtahanlarda iştirak etməyib, 179 nəfər isə nizam-intizam qaydalarını pozduqlarına görə imtahanlardan kənarlaşdırılıb.
Qeyd edək ki, bu semestr ümumilikdə 12988 bakalavr, 2835 nəfər isə magistr imtahan verəcək və payız semestrinin imtahan sessiyası 2024-cü il fevralın 2-də başa catacaq.
