Logo

BŞİH: "Uşaq bağçalarında vəziyyətin necə olacağı ilə bağlı çaşqınlıq yarandı"

06.04.2021 16:20 87 baxış
IMG

"Dünəndən başlayaraq ümumtəhsil məktəblərində əyani tədris dayandırılıb, distant təhsilə keçilib. Bu zaman bir sual yarandı ki, bağçalarda vəziyyət necə olacaq, bu isə müəyyən qədər çaşqınlıq yaratdı". 

 

Tehsil.biz-in APA-ya istinadən məlumatına görə, Bakı Şəhər İcra Hakimiyyətinin şöbə müdiri Elmin İmanov bildirib. 

 

Onun sözlərinə görə, bu, sosial şəbəkələrdə də geniş müzakirə olundu: "Bu cür mühüm qərarlar Operativ Qərargah tərəfindən verilir. Burada istər Təhsil Nazirliyi, istərsə də Bakı Şəhər İcra Hakimiyyəti ilə bağlı hər hansı problem yoxdur, iki qurum arasında yüksək əməkdaşlıq var. Məktəbəqədər təhsil müəssisələri ilə bağlı ilk olaraq bildirildi ki, fəaliyyəti dayandırılır, sonra isə mütəxəssislər məsləhət gördü ki, fəaliyyət göstərsin. Bu isə qısa müddətlik anlaşılmazlıq yaratdı. Amma bu gün bağçalar mövcud pandemiya şəraitinə uyğun fəaliyyət göstərir. Vaksinasiya prosesi də davam edir". 

 

Özəl bağçalara gəldikdə isə, şöbə müdiri bildirib ki, həmin müəssisələrlə bağlı hər hansı bir şey demək düzgün deyil: "Çünki özəl bağçalar bizim nəzarətimizdə deyil, amma təbii ki, ümumi nəzarətdə saxlayırıq".

Xəbər lenti