Logo

AzMİU müəllimlərinin layihəsini EEUK təşkilatı maliyyələşdirəcək

28.02.2024 14:33 162 baxış
IMG

Azərbaycan Memarlıq və İnşaat Universiteti (AzMİU) əməkdaşlarının təklif etdiyi layihə İngiltərənin “Enterprise Educators UK” (“EEUK”) imkan verən dünyada məşhur təşkilatlardan biridir.

Tehsil.biz xəbər verir ki, İngiltərənin “Creative Spark” layihələrinin davamı olan müsabiqə ötən il təşkilat tərəfindən elan edilib. AzMİU-nun müsabiqəyə təklif etdiyi layihə seçilərək qalib olub.

“Azərbaycan ali təhsilində sahibkarlıq mədəniyyəti və düşüncəsi konsepsiyasının tətqiqi və onun inteqrasiyası” adlı layihə AzMİU-nun Strateji planlaşdırma şöbəsinin təşkilatçılığı ilə universitetin müəllimləri Könül Ağayeva, Kənan Həsənov və İsa Muradov tərəfindən hazırlanıb. Layihədə sahibkarlıq təfəkkürü araşdırılaraq ən yaxşı təcrübələr ali təhsil kurikulumuna tətbiq olunacaq, yekunda İngiltərədə keçirilməsi nəzərdə tutulan konfransda təqdim ediləcək.

Bir il müddətində keçirilməsi nəzərdə tutulan layihənin büdcəsi 5 min fund sterlinqdir. Layihənin gələcəkdə təklif şəklində digər universitetlərə məqalə və hesabat şəklində dərc olunaraq təqdim edilməsi nəzərdə tutulub. Beləliklə, layihə həm də digər ali təhsil müəssisələrinin tədris işinə dəstək olacaq, bütövlükdə ölkədə sahibkarlıq təhsilinin yüksəldilməsinə töhfə verəcək.

Layihə çərçivəsində müxtəlif fokus qrupları ilə çalışmalar, sorğuların keçirilməsi, araşdırılma və tədqiqatların aparılması nəzərdə tutulub.

Xəbər lenti