“BDU könüllüləri” təşkilatı 2024-cü il üçün yeni üzvlük proqramına könüllü qəbulunu elan edir.

Bu barədə "Tehsil.biz"ə Bakı Dövlət Universitetindən (BDU) məlumat verilib.

Bildirilib ki, 2019-cu ildən fəaliyyət göstərən "BDU könüllüləri” hazırda öz ətrafında 1000-ə yaxın tələbəni birləşdirir.

Təşkilat 2020-ci ildən başlayaraq bir sıra uğurlu layihələr həyata keçirib, BDU-da könüllülük hərəkatının genişlənməsi, tələbə təşkilatları ilə birgə sosial və mədəni-kütləvi tədbirlərin təşkilində fəal iştirak edib.

Hazırda könüllü tələbələr BDU-nun müxtəlif struktur bölmələrində müvafiq istiqamətdə fəaliyyət göstərməklə universitetin ictimai həyatında fəal iştirak edir və gələcək karyeraları ilə bağlı təcrübə qazanırlar.