Ötən il müəlliflik hüququ və əlaqəli hüquqlar obyektlərinin nüsxələrinə yapışdırılması üçün hüquqi və fiziki şəxslərin müraciətləri əsasında mülki dövriyyədə istifadə olunan çap məhsullarına yapışdırmaq üçün Dövlət Statistika Komitəsinə 87 kitab üçün 4821, Dövlət İmtahan Mərkəzinə 19 kitab üçün 57000, fiziki şəxs Anar Azad oğlu Aslanova 1 kitab üçün 100 ədəd olmaqla cəmi 61921 ədəd nəzarət markası verilib.
Əqli Mülkiyyət Agentliyindən "Tehsil.biz"ə bildirilib ki, aidiyyəti dövlət qurumları ilə görülən birgə tədbirlərin nəticəsi olaraq, 2005-ci illə müqayisədə piratçılığın səviyyəsi kitab satışı sahəsində 61 faizdən 20 faizə, audio-video məhsul bazarında 90 faizdən 53 faizə, proqram təminatında 96 faizdən 70 faizə düşüb.
