Azərbaycan filmi “Olmaq,yoxsa olmaq?” bir neçə seçim mərhələsindən keçərək Roma Prisma Film Mükafatları 2024-də “ən yaxşı sənədli film” kateqoriyasında finalçılar sırasına daxil olub.

Tehsil.biz xəbər verir ki, bunu Şərqi Avropada yaşayan azərbaycanlıların Koordinasiya Şurasının Çexiya üzrə koordinatoru, şair və dramaturq, filmin ideya müəllifi, ssenari həmmüəllifi və rejissoru Leyla Begüm bildirib.

Filmin baş qəhrəmanı yazıçı və səyyah, həm də Lui Kahuzakın librettosunun tərcüməsinin müəllifi Cakomo Kazanovadır. 298 yaşlı Cakomo Qərbdən Şərqə, zərdüştilik dinin banisi Zərdüştün vətəninə səyahət etmək üçün dünyaya qayıdır. Kazanova, həyatın ölməz mənəvi komponenti, yer üzündəki varlığın sonsuz, zamansız, ümumbəşəri dəyəri haqqında düşünərək Od Məbədinə gedir. Qərb və Şərq sivilizasiyasının iki ən qədim şəhəri olan Praqa və Bakı arasında körpü salan filmin müəllifləri öz qəhrəmanlarını mənəvi işıq mənbəyi axtarışına göndərirlər.

Filmin prodüseri, ssenari həmmüəllifi və baş rol ifaçısı Boris Qoldberq, bədii rəhbəri və aktyorlardan biri Ülviyyə Axundova, montaj rejisssoru və operatoru Sərxan Rəcəbov, operator Annet Baldoviçdir.