Logo

BDU-nun Jurnalistika fakültəsində Rafiq Həşimov ilə görüş keçirilib

09.04.2021 11:55 475 baxış
IMG

Bakı Dövlət Universitetinin (BDU) Jurnalistika fakültəsinin tələbələri ilə aparıcı, diktor, ssenarist, rejissor, Azərbaycan Respublikasının əməkdar artisti, Yazıçılar Birliyinin üzvü, Azərbaycan Televiziya və Radio Verilişləri Qapalı Səhmdar Cəmiyyətinin (AzTV)  sədr müavini Rafiq Həşimov arasında onlayn görüş keçirilib.

 

Multimedia və elektron kommunikasiya kafedrasının baş müəllimi Əli Hacıyev görüşün əhəmiyyətindən danışıb, qonaq haqqında tələbələrə ətraflı məlumat verib. Rafiq Həşimov öz növbəsində tədbirdə iştirakından şad olduğunu, tələbə-gənclərlə ünsiyyətdən məmnunluğunu diqqətə çatdırıb. Qonaq Azərbaycan Televiziya və Radio Verilişləri Qapalı Səhmdar Cəmiyyətinin (AzTV) inkişaf mərhələsindən, dünənindən və bugünündən söhbət açıb. 

 

Eyni zamanda tələbələrlə öz təcrübəsini bölüşüb, teleaparıcının iş özəlliklərindən danışıb, jurnalistin nitq mədəniyyəti, müasir media dünyası, informasiya siyasəti, müasir jurnalistikanın yeni yaradıcılıq keyfiyyətləri kimi məslələrdən bəhs edib, tələbələrin çoxsaylı suallarını cavablandırıb.

Xəbər lenti