Fevralın 15-də Bakı Slavyan Universiteti (BSU) Tələbə Həmkarlar İttifaqı Komitəsinin (THİK) təşkilatçılığı ilə Vətən Müharibəsində qazanılmış şanlı Qələbəmizə həsr olunan "Böyük Qələbənin 100-cü günü" adlı onlayn tədbir keçirilib.
Tədbirdə Vətən müharibəsi iştirakçıları olan qazilərimiz Rövşən Quliyev və Sabir Dünyamalıyev, BSU-nun THİK İdarə Heyətinin üzvləri, fəal tələbələr iştirak ediblər.
Tədbirin əvvəlində Azərbaycanın ərazi bütövlüyü və dövlət müstəqilliyi uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.
Sonra qəhrəman qazilərimiz öz döyüş xatirələri keçdikləri döyüş yolu barədə danışıb, tələbələrimizin suallarını cavablandırıblar.