Kolleclərdə monitorinqlər davam edir.

Elm və Ali Təhsil üzrə Dövlət Agentliyindən "Tehsil.biz"ə bildirilib ki, agentlik tərəfindən orta ixtisas təhsili müəssisələrində mütəmadi keçirilən monitorinqlər çərçivəsində Agentliyin nümayəndələri Qazax və Tovuz Dövlət Sosial-İqtisadi kolleclərində olublar.

Monitorinq zamanı müəllim heyəti ilə görüş keçirilib və onlara Agentliyin fəaliyyəti barədə məlumat verilib. Daha sonra müəllimlərin problemləri, şikayət və təklifləri dinlənilib. Həmçinin ayrı-ayrı qruplar üzrə tələbələrin dərslərə hazırlıq səviyyəsi yoxlanılıb.