Logo

“Apple” Çində “WhatsApp” və “Threads” proqramlarını “App Store”dən çıxarıb

19.04.2024 14:10 182 baxış
IMG

Çin hökumətinin milli təhlükəsizlik mülahizələrini əsas götürərək əmr etməsindən sonra “Apple” şirkəti bu ölkənin “App Store”sindən “WhatsApp” və “Threads” proqramlarını çıxarıb. 

Tehsil.biz “The Wall Street Journal” nəşrinə istinadən xəbər verir ki, “Apple” şirkətinin bəyanatında bildirilir:

“Çinin Kiberməkan İdarəsi milli təhlükəsizlik baxımından bu proqramların Çin onlayn mağazasından silinməsi göstərişini verib. Fəaliyyət göstərdiyimiz ölkələrin qanunları ilə razılaşmasaq belə, onlara əməl etməyə borcluyuq”. 

Proqramın silinməsi Çində 2023-cü ildə qəbul edilmiş və bu ölkədə fəaliyyət göstərən tətbiqlərin tənzimləyici orqanında qeydiyyatdan keçməsini tələb edən qanunla bağlı ola bilər. Keçən ilin avqustunda Çin hakimiyyəti tərtibatçıları 2024-cü ilin mart ayının sonuna qədər bu qaydaya əməl etməyə çağırıb, əks halda proqramlar ölkədə fəaliyyətini dayandıracaq.

Xəbər lenti