Dövlət İmtahan Mərkəzinin əməkdaşları tərəfindən ADA Universitetində mayın 3-də “İmtahan prosesi və vaxtın idarə olunması”, mayın 10-da “İmtahan həyəcanı və stresini necə azaltmalı”?, avqustun 7-də isə “Ərizə formasının doldurulması, ixtisas seçimi (kodlaşdırma)” mövzularına aid təlimlər keçiriləcək.

Bu barədə "Tehsil.biz"ə DİM-dən məlumat verilib.

Təlimlərdə abituriyentlər və onların valideynləri iştirak edə bilərlər. 

Təlimlərdə qeyd olunan günlərə müvafiq olaraq, imtahan zamanı vaxtın idarə olunması, həyəcan və stresin aradan qaldırılma üsulları, həmçinin ixtisas seçimi zamanı diqqət yetirilməli olan məsələlər, qəbul planı, müsabiqə şərtləri haqqında geniş məlumat veriləcək və iştirakçıların sualları cavablandırılacaq. 

Təlimlərdə iştirak etmək üçün qeydiyyat səhifəsi: ada.edu.az/dim