Logo

Dövlət Məşğulluq Agentliyinin rəhbər heyəti BMU-da - FOTO

27.05.2024 18:34 143 baxış
IMG

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin İdarə Heyətinin sədri Mustafa Abbasbəyli və agentliyin əməkdaşları Bakı Mühəndislik Universitetində (BMU) olub.

Bu barədə "Tehsil.biz"ə BMU-dan bildirilib.

Agentliyin rəhbər heyəti universitetin kampusu, Texnoparkı, mexanika, kimya, elektronika və İKT laboratoriyaları, eləcə də yataqxanasını gəziblər, mövcud şəraitlə yaxından maraqlanıblar.

Rektor Yaqub Piriyev universitetin müasir laboratoriyalarının geniş imkanları, burada aparılan elmi tədqiqatlar, həmçinin ali təhsil ocağının Texnoparkında tələbələrin innovativ təşəbbüslərinin, startaplarının reallaşdırılması məqsədilə həyata keçirilən işlər barədə ətraflı məlumat verib. Planlaşdırılan yeniliklər, açılacaq yeni ixtisaslar haqqında da danışan rektor əmək bazarı üçün lazımi mütəxəssislərin hazırlanması, universitet-sənaye iş birliyinin inkişafı, məzunların məşğulluq səviyyəsinin yüksəldilməsi yönündə universitetdə görülən tədbirləri də diqqətə çatdırıb.

Ali təhsil ocağı ilə tanışlıq zamanı tələbə və məzunların məşğulluq məsələləri, onların ixtisaslarına uyğun işlə təmin olunması istiqamətində əməkdaşlıq, Dövlət Məşğulluq Agentliyinin son illər bu yöndə tətbiq etdiyi müasir, yeni yanaşmalar nəzərdən keçirilib. Bununla yanaşı, tələbələrin biznes bacarıqlarının inkişaf etdirilməsi, universitetdə hazırda mövcud olan startaplar və inkubasiya mərkəzi, birgə innovativ layihələrlə bağlı geniş fikir mübadiləsi aparılıb.

Mustafa Abbasbəyli BMU-nun geniş potensiala malik olduğunu bildirib, gələcək əməkdaşlığın mümkün istiqamətləri barədə fikirlərini nəzərə çatdırıb.

Xəbər lenti