Britaniyanın məşhur rok qrupu “The Beatles”ın (“Bitlz”) üzvü Con Lennonun istifadə etdiyi gitara hərracda 1.5 milyon funt sterlinqə satılıb.

Tehsil.biz xarici KİV-ə istinadən xəbər verir ki, bu gitaranın “Beatles” tarixində hərracda ən baha qiymətə satılan musiqi aləti olduğu güman edilir.

Gitara məşhur qrupun 1965-ci il albomu və “Help!”adlı filminin çəkilişində istifadə olunub.

Hərracdan əvvəl gitaranın 485 - 647 min funt sterlinq arasında alıcı tapacağı ehtimal edilirdi.