Azərbaycan Dillər Universitetinin Pakistanın Azərbaycandakı səfirliyində səfir köməkçisi kimi təcrübə keçən tələbəsi Vüsal Hümbətzadə Pakistan İslam Respublikasının Azərbaycandakı fövqəladə və səlahiyyətli səfiri Bilal Hayee tərəfindən təcrübə sertifikatı ilə təltif edilib.

Bu barədə "Tehsil.biz"ə ADU-dan bildirilib.

Pakistanın Azərbaycandakı fövqəladə və səlahiyyətli səfiri cənab Bilal Hayee təcrübəçi Vüsal Hümbətzadənin təcrübə müddətindəki səmərəli fəaliyyəti haqqında danışıb: "Vüsal Hümbətzadə 16.02.2024-cü il tarixində Pakistan Səfirliyində mənim köməkçim kimi 3 ay müddətindən çox təcrübə keçmişdir.O bütün işləri yüksək professionallıqla və böyük operativliklə icra edib. Yüksək iş etikası, problemlərin səmərəli həlli, problemlərin aşkarı və aradan qaldırılması, özünə inam, analitik düşüncə, təqdimat, motivasiya, qərar vermək, yüksək ünsiyyət, məntiqi düşüncə, şəxslərarası münasibət, stressə davamlı, kollektiv ilə işləmə, açıq fikirlilik kimi xüsusi bacarıqları olduğunu deyə bilərəm. O gördüyü bütün işləri fərəhlə, zövqlə və böyük məsuliyyətlə yerinə yetirib. Mən inanıram ki, Vüsal Hümbətzadə gələcəyin ən uğurlu diplomatlarından biri olacaq”.

Vüsal Hümbətzadə isə bu imkanı ona yaradan Pakistanın Azərbaycandakı fövqəladə və səlahiyyətli səfiri Bilal Hayeeyə, ADU-nun rektoru Kamal Abdullaya və Pakistan Mədəniyyət Mərkəzinin müdiri Mahmud Athara təşəkkürünü bildirib.

Vüsal Hümbətzadə istehsalat təcrübəsi müddətində aktiv fəaliyyətinə görə Beynəlxalq münasibətlər və regionşünaslıq fakültəsi nəzdində Xarici dillər kafedrasının müəllimi, metodist Gülçöhrə Fərhadova tərəfindən təşəkkürnamə ilə təltif edilib.