Azərbaycan Dillər Universitetində “Karyera inkişafında treyder yolu” mövzusunda görüş keçirilib.

Bu barədə "Tehsil.biz"ə ADU-dan bildirilib.

Görüşdə ADU-nun Əlavə təhsil, təcrübə və karyera şöbəsinin və ALEF traders şirkətinin birgə təşkilatçılığı ilə keçirilən görüşdə Təhsil 1 və Təhsil 2 fakültəsinin tələbələri iştirak ediblər. 

Öncə ALEF traders şirkətinin rəhbəri, top treyder Andrey Dubini  tələbələrə  şirkətin təqdimatını edib.

Görüş tələbələrə treyderlik karyerasının incəliklərini və inkişaf yollarını öyrətmək məqsədi daşımaqla, onlara treyder olmağın nə demək olduğunu, maliyyə bazarlarının necə işlədiyini və uğurlu treyder olmağın yollarını öyrədiblər.

 Təcrübəli treyder tərəfindən keçirilən bu tədbirdə, tələbələr bazar analizləri, risk idarəetməsi, ticarət strategiyaları və emosional idarəetmə kimi vacib mövzularda dəyərli məlumatlar əldə ediblər. Şirkətin əməkdaşları  Röya Babayeva və Cəmil Şahsuvarov həmçinin, treyder karyerasına başlamaq üçün lazım olan təhsil, sertifikatlar və digər peşəkar tələblər haqqında məlumat verib, onları maraqlandıran sualları cavablandırıblar.

Görüş tələbələrin maliyyə sektorunda karyera qurma hədəflərini dəstəkləmək və onlara uğur yolunda ilk addımlarını atmağa yardım etmək məqsədi daşıyıb.

Görüş tələbələrin sualları ilə davam edib.