Debretsen, 19 iyul, TEHSİL.BİZ

Macarıstanın Debretsen şəhərində tələbələr arasında keçirilən Avropa Universitet Oyunlarında bu gün badminton yarışları start götürəcək.

TEHSİL.BİZ xəbər verir ki, ilk gündə Azərbaycan İdman Akademiyasının 4 idmançısı mübarizəyə başlayacaq.

Aqil Qabilov, Rəvan Niftəliyev, Nərmin Şərifova və Nigar Əliyevadan ibarət kollektiv komanda yarışında Böyük Vitovt Universitetinin (Litva) tələbələri ilə üz-üzə gələcəklər.

Badminton yarışlarına iyulun 24-də yekun vurulacaq.