Bakı Dövlət Universitetinin (BDU) rektoru Elçin Babayev Türkiyənin Üsküdar Universitetinin rektoru Nazife Güngörlə görüşüb.

BDU-dan TƏHSİL.BİZ -ə bildirilib ki, görüşdə rektor Elçin Babayev iki universitet arasında səmərəli əməkdaşlıq əlaqələrinin olduğunu vurğulayıb. O, xüsusilə jurnalistika sahəsində Üsküdar Universitetinin böyük təcrübəsinin BDU-da jurnalist kadrların hazırlanmasında faydalı olacağını qeyd edib. Rektor digər sahələr üzrə də əməkdaşlıq imkanlarının olduğunu xatırladıb.

Tərəflər Rektorlar Üsküdar Universitetinin professor-müəllim heyətinin BDU-da tədris prosesinə cəlb olunması ilə bağlı razılığa gəlib, jurnalistika üzrə magistratura səviyyəsində ikili diplom proqramının hazırlanması istiqamətində görülən işləri müzakirə ediblər. Görüşdə Üsküdar Universitetinin gələn ilin may ayında BDU ilə birgə keçirmək istədiyi beynəlxalq simpoziumla bağlı da müzakirələr aparılıb.