“Sabahın alimləri” XIV Respublika Layihə Müsabiqəsi hər il ABŞ-da keçirilən ISEF – Beynəlxalq Elm və Mühəndislik Sərgisinin milli seçim turudur. Azərbaycan Respublikasında gənclərin elmi potensialını inkişaf etdirmək, elmi yaradıcılığa marağı artırmaq və innovativ fikirlərin dəstəklənməsi məqsədilə təşkil edilən “Sabahın Alimləri” XIV Respublika Layihə Müsabiqəsinə qeydiyyat prosesi davam edir.

IX-XI siniflərində təhsil alan şagirdlərin iştirakı nəzərdə tutulan müsabiqədə şagirdlər 9 istiqamət (riyaziyyat, fizika və astronomiya, kimya, biologiya, tibb və sağlamlıq, ekologiya və ətraf mühitin idarə olunması, mühəndislik, kompüter elmləri, robototexnika və süni intellekt) üzrə layihələr hazırlamalıdırlar. Müsabiqədə şagirdlər fərdi və ya kollektiv (max. 2 şagird) iştirak edə bilərlər. Hər bir layihə üçün elmi rəhbər təyin olunur.

İlkin mərhələdə şagirdlər qeyd olunan platforma üzərindən qeydiyyatdan keçməli, dekabr ayının 24-ə kimi layihə üçün lazımi formaları yükləməli və qeydiyyatı tamamlamalıdır. Qeydiyyat prosesi yekunlaşdıqdan sonra bütün istiqamətlər üzrə layihələr Elmi Ekspertiza Komitəsinə (EEK) təqdim olunacaq. Növbəti mərhələdə (sərgidə) iştirakı məqbul hesab edilən şagirdlər layihələrini Münsiflər heyətinə təqdim etmələri üçün sərgiyə dəvət olunacaq. Müsabiqənin hər bir istiqaməti üzrə Münsiflər heyəti tərəfindən verilən qiymətlər əsasında qaliblər müəyyənləşdirilir. Ballara uyğun olaraq, hər istiqamət üzrə I yerə 1 layihə (9 layihə), II yerə 2 layihə (18 layihə), III yerə 3 layihə (27 layihə) layiq görülə bilər. Qaliblər sırasından yüksək elmi-tədqiqat nəticələri əldə edən Azərbaycan məktəbliləri Amerika Birləşmiş Ştatlarında keçirilən Beynəlxalq Elm və Mühəndislik Sərgisində (ISEF) iştirak edəcəklər.

Qeydiyyat prosesi 31 oktyabr saat 15:30-dan 24 dekabr 17:00-dək davam edir. Müsabiqədə iştirak etmək istəyən şagirdlər və müəllimlər Sorğuların idarə olunması (https://app.anket.edu.az/user/88) platforması vasitəsilə qeydiyyatdan keçə bilərlər. Qeyd olunan vaxt ərzində layihə üçün lazım olan bütün formalar portal üzərindən yüklənməldir.

Formalar:
1.https://sabahinalimleri.edu.az/index.php/senedler/formalar.html
2.https://arti.edu.az/2024/11/23/sabahin-aliml%c9%99ri-xiv-respublika-layih%c9%99-musabiq%c9%99sin%c9%99-qeydiyyat-davam-edir/

Qaydalar: https://sabahinalimleri.edu.az/index.php/senedler/qaydalar.html

Əlavə suallarla bağlı aşağıda qeyd olunan əlaqə vasitələrinə müraciət edə bilərsiniz:

Whatsapp: +99450 791 46 31

Mail: [email protected]

Elmi yaradıcılıq sahəsində özünü sınamaq və gələcəyin alimləri arasında yer almaq istəyən bütün şagirdləri “Sabahın Alimləri” XIV Respublika Layihə Müsabiqəsində iştirak etməyə dəvət edirik!

“Sabahın Alimləri” Respublika Layihə Müsabiqəsinə elektron müraciət təlimatı: https://youtu.be/5F_OfvwIDGo