Dekabrın 7-də Azərbaycan Dövlət Pedaqoji Universitetində (ADPU) fəaliyyət göstərən YENİ Klubun Fizika fakültəsi təşkilatının təşkilatçılığı ilə fakültənin fəal tələbələri şəhid Pərvin Təhməzovun ailəsini ziyarət edilbər. Şəhidin ailəsinə hörmət və ehtiramlarını ifadə edən tələbələr Pərvinin timsalında bütün şəhidlərimizin əziz xatirəsinin xalqımızın yaddaşında əbədi yaşayacağını bildiriblər. Sonra tələbələr şəhidin məzarını ziyarət ediblər. 

Qeyd edək ki, dekabrın 7-də şəhid P.Təhməzovun dəfninin 4-cü ili tamam olur.

1997-ci il yanvarın 22-də Sumqayıt şəhərində anadan olan Pərvin İlqar oğlu Təhməzov Sumqayıt şəhər V.İbrahimov adına 35 saylı tam orta məktəbin məzunudur. Ali təhsilini başa vurduqdan sonra Goranboy rayonunun Aşağı Ağca kəndindəki N saylı hərbi hissəsdə xidmətə başlayan Pərvin Vətən müharibəsinin ilk günündən döyüşlərə qatılır. Kəlbəcər, Ağdərə, Suqovuşan, Ağuçuq istiqamətlərində gedən döyüşlərdə mərdliklə vuruşan P.Təhməzov oktyabrın 1-də şəhidlik zirvəsinə ucalıb. Şəhidin nəşi 2020-ci il dekabrın 7-də tapılaraq Sumqayıt şəhərinə gətirilib və şəhərin Şəhidlər Xiyabanında dəfn edilib.