7 – 21 oktyabr 2024-cü il tarixlərində Kazan Dövlət Energetika Universiteti tərəfindən “Bəşəriyyətin qlobal problemləri: İnsan, təbiət, texnologiya” mövzusunda təşkil olunan III Beynəlxalq esse müsabiqəsinin nəticələri açıqlanıb. Üç bölmə üzrə (ingilis, alman, fransız) təşkil olunmuş müsabiqəyə 61 beynəlxalq universitetdən 612 iştirakçı qatılıb. Sumqayıt Dövlət Universitetinin (SDU) Filologiya və Mühəndislik fakültələrindən on tələbə iştirak edərək, üç tələbəmiz: I dərəcəli diploma Filologiya fakültəsinin IV kurs tələbəsi Xumar Rzayeva (elmi rəhbər: Xarici dillər kafedrasının baş müəllimi Səadət Xəlilova), II dərəcəli diploma Mühəndislik fakültəsinin I kurs tələbəsi Orxan Əhədzadə (elmi rəhbər: Xarici dillər kafedrasının f.ü.f.d Jalə Məmmədova), III dərəcəli diploma Mühəndislik fakültəsinin I kurs tələbəsi Fuad Tərlanzadə (elmi rəhbər: Xarici dillər kafedrasının f.ü.f.d Jalə Məmmədova) layiq görülüblər. Digər tələbələrə iştirak sertifikatları təqdim olunub. Müsabiqənin təşkilatçıları qaliblərə diplom və sertifikatları, elmi rəhbərlərə isə təşəkkürnamələri Sumqayıt Dövlət Universitetinə göndərib. Fakültə dekanları qalib tələbələri təbrik edərək, onlara gələcək fəaliyyətlərində uğurlar arzulayıblar.