Azərbaycan Dillər Universitetinin İngilis və fransız dilləri fakültəsi, İngilis dilinin  tədrisi metodikası kafedrasının  ped.f.d., dosenti Vəfa Bağırovanın təşkilatçılığı və həmin fakültənin 422b qrup tələbələrinin iştirakı ilə Qlobal iqlim dəyişikliyi ilə mübarizəyə həsr olunan dəyirmi masa keçirilib.

Öncə mövzu ilə bağlı slayt nümayiş etdirilib və ardından tələbələr COP29-la bağlı müxtəlif  fikirlər söyləyiblər.

Tələbələr tədbirin “Yaşıl dünya naminə həmrəylik ili”ndə keçirilməsi nəticəsində ölkəmizin özünün ən müsbət tərəflərini dünyaya çatdıra biləcəyini və həmin istiqamətlər üzrə yaxın bir neçə 10 illiyə hesablanmış yeni siyasətin formalaşdırılması üçün çox əlverişli imkanlar qazanacağını bildiriblər.