20 ildə ADPU alimlərinin 397 məqaləsi SCOPUS bazasına düşüb

SCOPUS elmmetrik bazasında 1994-2024-cü illər üzrə Azərbaycan Dövlət Pedaqoji Universitetinin (ADPU) alimlərinin müəllifi olduqları məqalələrin sayı 397 olub. Bu məqalələrdən 333-ü isə 2016-2024-cü illləri əhatə edir.

Pedaqoji Universitetin SCOPUS elmmetrik bazasında indekslənmiş jurnallarda çap olunan məqalələrinin ən yüksək göstəricisi isə 2020-ci il üzrə qeydə alınıb. Həmin il universitet əməkdaşlarının 56 elmi məqaləsi SCOPUS-da indekslənən jurnallarda dərc olunub.

Universitetin cari il üzrə SCOPUS elmmmetrik bazasında indekslənmiş jurnallarda çap olunan məqalə sayı isə 50 olub.

Çap olunan məqalələrin illər üzrə statistik dinamikası, məqalələrin əhatə etdiyi elmi istiqamətlər və məqalələrin kvartillər üzrə sayı əlavədəki diaqramlarda əksini tapıb.