Bəzi universitetlərdə qış imtahan sessiyası başlayıb.

Bakı Dövlət Universitetindən (BDU) Tehsil.biz-ə verilən məlumata görə, 2024/2025-ci tədris ilinin payız semestrinin qış imtahan sessiyası dekabr ayının 28-də başlamaqla beş həftə müddətində keçiriləcək. Bu barədə BDU Elmi Şurasının bu gün keçirilən iclasında qərar qəbul olunub.

İmtahanlar yazılı və şifahi olmaqla iki növbədə (saat 10:00-13:00 və 14:00-17:00) keçiriləcək.

Üzrlü və üzrsüz səbəblərdən imtahanda iştirak etməyən təhsilalanlara həmin fənlərdən imtahan vermək üçün 2025-ci ilin fevral ayının 3-dən 7-dək şərait yaradılacaq.

Ayrı-ayrı fənlər üzrə auditoriya saatlarının 25%-dən çoxunda iştirak etməyən tələbələr həmin fəndən imtahana buraxılmayacaqlar.

Dekabrın 28-də Azərbaycan Dövlət Neft və Sənaye Universitetində (ADNSU) də 2024/2025-ci tədris ilinin payız semestrinin imtahan sessiyasına start verilib.

Universitetdən saytımıza bildirilib ki, imtahan sessiyasında ümimilikdə 12715 bakalavr və 2452 magistrant iştirak edəcək. Payız semestrinin qışimtahan sessiyasında əsas imtahanlar dekabrın 28-dən yanvarın 31-dək davam edəcək.