22 dekabr tarixində keçirilən Respublika fənn olimpiadalarının rayon (şəhər) mərhələsinin nəticələri açıqlanıb.
TƏHSİL.BİZ xəbər verir ki, bu barədə Təhsil İnstitutu məlumat yayıb.
Şagirdlər nəticələri ilə www.portal.edu.az saytındakı şəxsi kabinetləri vasitəsilə tanış ola bilərlər.
Respublika fənn olimpiadalarının rayon (şəhər) mərhələsinin nəticələri ilə bağlı ərizələr 3 iş günü ərzində qəbul edilir. Müraciətlər [email protected] elektron ünvanına yazılı şəkildə göndərilməlidir.
Olimpiadaların təşkil edilməsində məqsəd istedadlı uşaqların aşkar edilməsi, şagirdlərdə fənlərə olan marağın artırılması, onların sağlam rəqabət mühitində öz bilik və bacarıqlarını nümayiş etdirmələrinə imkan yaradılmasından ibarətdir.
Qeyd edək ki, Respublika Fənn Olimpiadalarının respublika mərhələsinin yarımfinal turu ilə bağlı məlumatlar tezliklə paylaşılacaq.
Respublika fənn olimpiadalarının fənlər üzrə keçid faizləri ilə tanış olmaq üçün müvafiq keçidə daxil ola bilərsiniz:
