Şərqi Zəngəzur Regional Təhsil İdarəsinin tabeliyindəki ümumi təhsil müəssisələrinin 465 şagirdi Respublika fənn olimpiadalarının yarımfinalında iştirak hüququ qazanıb.

İdarədən TƏHSİL.BİZ -ə bildirilib ki, Cəbrayıl üzrə 144, Qubadlı üzrə 121, Kəlbəcər üzrə 84, Laçın üzrə 70, Zəngilan rayonu üzrə 40 şagird uğurlu nəticə əldə edib. Ötən illə müqayisədə yüksək nəticələrdə 29% artım müşahidə olunur. İnformatikadan 3, riyaziyyatdan 1 şagird 100% nəticə göstərib. 

Ümumilikdə isə olimpiadanın rayon (şəhər) mərhələsində 15 şagird 90-100, 25 şagird 80-90 bal toplayıb.