2025-2026-ci tədris ili üzrə ümumi təhsil müəssisələrində metodist kimi fəaliyyət göstərəcək şəxslərin seçimi üçün “Müasir metodist” müsabiqəsinə qeydiyyat prosesi davam edir.

Məktəbəqədər və Ümumi Təhsil üzrə Dövlət Agentliyindən TƏHSİL.BİZ -ə bildirilib ki, qeydiyyatdan keçən və qeyd olunan tələblərə cavab verən namizədlər müsahibə mərhələsinə dəvət olunurlar. Müsahibə mərhələsindən müvəffəqiyyətlə keçən müəllimlər “Metodist hazırlığı” təlimlərinə cəlb edilirlər.

Təlimlərdə iştirak edən və uğur qazanan namizədlər metodik xidmətə cəlb edilirlər. 2025-ci ildə yeni formalaşdırılacaq metodik xidmətə 500-dən çox metodistin cəlb edilməsi nəzərdə tutulur.

Qeydiyyat fevralın 20-dək aparılır. Müraciət etmək üçün keçidə daxil ola bilərsiniz.