SOCAR-ın Bakı Ali Neft Məktəbinin (BANM) proseslərin avtomatlaşdırılması mühəndisliyi ixtisasının III kurs tələbəsi Aysel Rəhimli “Microsoft” şirkətində uğura imza atıb.

BANM-dən Tehsil.biz-ə bildirilib ki, Aysel “Microsoft Learn for Educators” proqramına müraciət edərək müvafiq mərhələləri uğurla keçib. Bununla yanaşı, o, “The Microsoft Learn Student Ambassadors” (MLSA) proqramına seçilib.

Proqram çərçivəsində Aysel şirkətin müxtəlif yarış və hakatonlarında iştirak edəcək, eyni zamanda, ona təqdim olunan “Azure” və “Microsoft” tədris materiallarından istifadə imkanı qazanacaq.