Sumqayıt Dövlət Universitetinə yeni rektor əvəzi təyin olunub.

TƏHSİL.BİZ xəbər verir ki, Sumqayıt Dövlət Universitetinə rektor əvəzi təyin edilən Əminağa Sadıqov tanınmış alim və təhsil mütəxəssisidir.

O, 18 dekabr 1962-ci ildə Lerikdə anadan olub. 1980-ci ildə Bakı şəhərində 1 saylı respublika fizika-riyaziyyat təmayüllü orta məktəbini bitirərək Dnepropetrovsk Dövlət Universitetinin Tətbiqi-riyaziyyat fakültəsinə qəbul olunub və 1985-ci ildə həmin universiteti bitirib.

Elmi fəaliyyətinə gəldikdə:

• 1992-ci ildə Dnepropetrovsk Dövlət Universitetində fizika-riyaziyyat elmləri namizədi alimlik dərəcəsini alıb.
• 2013-cü ildə Azərbaycan Milli Elmlər Akademiyasının İdarəetmə Sistemləri İnstitutunda doktorluq dissertasiyasını müdafiə edərək texnika elmləri doktoru alimlik dərəcəsini alıb.
• 2010-cu ildə dosent, 2016-cı ildə professor elmi adını alıb.
• 2 may 2017-ci ildə "Kompüter elmləri" ixtisası üzrə AMEA-nın müxbir üzvü seçilib.
• 1 may 2019-cu ildə AMEA-nın akademik-katibi (vitse-prezidenti) və AMEA Rəyasət Heyətinin üzvü seçilib.

İdarəçilik fəaliyyəti:

• 1 dekabr 2020-ci ildə AMEA-nın İdarəetmə Sistemləri İnstitutunun direktoru təyin edilib.
• 2021–2023-cü illərdə Azərbaycan Respublikası Elm və Təhsil Nazirliyinin İdarəetmə Sistemləri İnstitutunun icraçı direktoru vəzifəsində çalışıb.
• 12 yanvar 2024-cü ildə Elm və Ali Təhsil üzrə Dövlət Agentliyinin direktor müavini təyin olunub.
  Əminağa Sadıqov ingilis, rus, türk və ukrain dillərini sərbəst bilir.

Evlidir, 1 qızı və 2 oğlu var.