Müasir dövrdə ixtisas seçimində ən vacib suallardan biri budur: "Peşəni öyrənmək üçün uzun illər universitet oxumaq şərtdirmi?" Balıqçılıq, meşəçilik və şərabçılıq kimi sahələr bu müzakirədə xüsusi yer tutur. Ənənəvi olaraq, bu sahələr təcrübə və praktiki bilik tələb edir. Lakin bu peşələr üçün universitetdə 4 il təhsil almaq nə dərəcədə məntiqə uyğundur?
Balıqçılıq, meşəçilik və şərabçılıq qədim dövrlərdən bəri insanların əsas məşğuliyyətlərindən biri olub. Lakin bu peşələr əsasən praktiki biliklərə əsaslanır. Əvvəllər bu sənətlərin əsas qaydaları ailədən ailəyə ötürülürdü və insanlar təcrübə yolu ilə peşəkarlaşırdı.
Bəs indi nə dəyişib? Müasir dövrdə bu sahələrdə elmi yanaşma və texnologiya mühüm rol oynayır. Balıqçılıqda ekosistemin qorunması, dayanıqlı ov üsulları, su bioresurslarının idarə edilməsi bilik tələb edir. Meşəçilik ekoloji balansı saxlamaq üçün yeni strategiyalar öyrədir, şərabçılıq isə qlobal bazarlara çıxış üçün biotexnologiya və marketinq bilikləri tələb edir.
Bu sualın cavabı ixtisasın spesifikliyindən asılıdır.
Göründüyü kimi, bəzi sahələr üçün uzunmüddətli akademik təhsil faydalı ola bilər, lakin bir çox hallarda praktik kurslar və qısamüddətli təlimlər daha effektiv ola bilər.
Balıqçılıq, meşəçilik və şərabçılıq kimi peşələr müasir dövrdə də əhəmiyyətini qoruyur. Lakin bu sahələrə marağı olan gənclər üçün 4 illik universitet təhsili məcburi olmamalıdır. Daha çox praktiki yönümlü təhsil sisteminin inkişafı həm tələbələr, həm də iqtisadiyyat üçün daha faydalı ola bilər.
Bəhman Hüseyn
