“Təhsildə menecment və yeni təlim texnologiyaları” magistrantların VIII Respublika elmi konfransına tezislərin qəbuluna başlanılır.
TƏHSİL.BİZ xəbər verir ki, bu barədə Azərbaycan Dövlət Pedaqoji Universiteti (ADPU) məlumat yayıb.
Belə ki, 08-09 aprel 2025-ci il tarixində ADPU-da keçiriləcək konfransın elmi bölmələri aşağıdakılardır:
Tezislərin tərtib olunma qaydaları:
Tezislərin mətni konfransın müvafiq bölməsinin mövzusuna uyğun olmalıdır. Mətn “Microsoft Word for Windows” redaktorunda Times New Roman (Az. latın) şrifti ilə (hərflərin ölçüsü – 12, interval – 1,5) yığılmalıdır.
Məruzə mətninin formatı yuxarıdan və aşağıdan 25 mm, soldan və sağdan 20 mm olmaqla 3 səhifəyə qədər olmalıdır.
Mətnin əvvəlində tezisin adı, müəllifin soyadı, adı və atasının adı, imeyl ünvanı, mobil telefon nömrəsi, təmsil olunduğu müəssisənin adı, konfransın uyğun bölməsinin adı qeyd edilməlidir.
Tezislər A4 formatlı kağızda 3 səhifədən çox olmamaqla bir nüsxədə çap edilməli, kafedranın protokolundan çıxarış, elmi rəhbərin rəyi ilə birlikdə və elektron daşıyıcıda (CD disk) 18 mart 2025-ci il tarixinə qədər konfransın Təşkilat Komitəsinə təqdim olunmalıdır.
Ətraflı məlumat üçün klikləyin
Ünvan: Azərbaycan, Bakı AZ-1110, akad. Həsən Əliyev küçəsi 104
Azərbaycan Dövlət Pedaqoji Universiteti, 2 saylı tədris binası,
Magistratura və doktorantura şöbəsi, 3-cü mərtəbə, otaq 306
Əlaqə telefonu: (+99412) 493-05-85, (+99412) 465-81-53
İmeyl: [email protected]
