“Növbəti tədris ilindən başlayaraq Bakı Slavyan Universitetinin bütün fakültələrində təlim-tədris və öyrənmə proseslərinin elektron resurslar vasitəsilə rəqəmsal əsasda idarə olunması nəzərdə tutulur”.
Bu fikirləri TƏHSİL.BİZ -ə müsahibəsində BSU-nun rektoru Anar Nağıyev deyib.
O bildirib ki, bu məqsədlə artıq bir neçə modul üzrə fəaliyyət yekunlaşıb və bir fakültədə pilot layihə olaraq uğurla həyata keçirilib:
“Artıq sentyabra qədər digər fakültələrdə də pilot mərhələlərin keçirilməsi, sentyabrdan isə bütün fakültələrimizdə qiymətləndirmənin elektron jurnallar əsasında aparılması və ümumilikdə təlim-tədris və öyrənmə proseslərinin elektron resurslar vasitəsilə rəqəmsal əsasda idarə olunması nəzərdə tutulur”.
