“Təhsil sisteminin mahiyyəti uşağı ali təhsil müəssisəsinə hazırlamaq deyil. Bu bizim hazırda mövcud olan mədəni problemimizdir. Biz təhsilin məqsədini universitetə qəbul olub-olmamaqda görürük”.
“Azərbaycan müəllimi” xəbər verir ki, bu fikirləri elm və təhsil naziri Emin Əmrullayev İTV-nin “Diqqət mərkəzi” verilişində söyləyib.
Nazir bildirib ki, indiki təhsilin mahiyyəti “yarış”dır:
“Repetitorluq dediyimiz işin mahiyyəti təhsili “yarış” üzərində qurmaqdır. Ali təhsil defisit məhsul deyil, hamı üçündür. Bizim məqsədimiz “repetitorluğu azaltmaqdır,- demirik. Amma bu islahatın belə təsirləri olacaq. Dövlətdən əməkhaqqı alan müəllim uşaqların öyrənməsi üçün məsuliyyət daşıyır. Təhsilin bütün mahiyyəti buradadır: uşaq öyrənir, yoxsa öyrənmir? Uşaqlar öyrənmirsə, etdiyimiz işin heç bir mahiyyəti yoxdur”, - deyə nazir qeyd edib.
