Logo

Aİ-ÜST layihəsi çərçivəsində 1000-ə yaxın tibb fakültəsi və kolleci tələbəsinə təlim keçilib

29.05.2021 16:58 76 baxış
IMG

Davam etməkdə olan COVID-19 pandemiyası infeksiyaların profilaktikası və nəzarət tədbirləri, o cümlədən əl gigiyenası qaydalarına əməl etməyin əhəmiyyətini artırıb. Azərbaycanda əl gigiyenasına dair maarifləndirməni gücləndirmək, xüsusən də, gələcək tibb işçilərinin bu sahədə bilik və baracıqlarının artırılmasını dəstəkləmək üçün 7 tibb fakültəsi və 11 tibb kollecində təhsil alan 1000-ə yaxın tələbəyə Avropa İttifaqı və ÜST-nin ortaq “Sağlamlıq üçün Həmrəylik” layihəsi çərçivəsində düzgün əl yuma və steril əlçək geyinmə qaydaları barədə təlim keçilib.

 

Bu barədə Ümumdünya Səhiyyə Təşkilatından (ÜST) bildirilib. Bir neçə onlayn platformada sinxron şəkildə keçirilən təlimin gedişində tələbələr qazanılmış bilik və bacarıqlarını ölçmək üçün təlimin əvvəlində və sonunda keçirilmiş testlərdə iştirak edib.

 

Təlim Aİ-ÜST layihəsi çərçivəsində tibb tələbələri arasında əl gigiyenası bağlı keçirilən müsabiqənin tərkib hissəsi kimi baş tutub. İyun ayının 28-də yekunlaşacaq müsabiqədə münsiflər tərəfindən müəyyən ediləcək 57 qalibə noutbuk, tablet və tibbi cihazlar daxil olmaqla müxtəlif hədiyyələr veriləcək.

 

Aİ-ÜST layihəsi infeksiyaların profilaktikası və nəzarət tədbirləri barədə maarifləndirməni gücləndirmək və bu sahədə bilik və bacarıqların artırılmasını dəstəkləmək üçün tədbirlərə davam edəcək.

Xəbər lenti