Azərbaycan Dövlət Pedaqoji Universitetinin Quba filialı 30 illik yubileyi münasibətilə əməkdaşlıq etdiyi Moldova Respublikasının Tiraspol Dövlət Universitetinin Senatının qərarı ilə "Tiraspol Dövlət Universiteti" qızıl medalı ilə təltif olunub.

Tehsil.biz xəbər verir ki, təbrik mətnində qeyd edilir: 

"Tiraspol Dövlət Universiteti Senatının 16 noyabr 2021-ci il tarixli Qərarı ilə Azərbaycan Dövlət Pedaqoji Universitetinin 100 illiyi və Azərbaycan Dövlət Pedaqoji Universitetinin Quba filialının 30 illik yubileyi münasibəti ilə Azərbaycan Dövlət Pedaqoji Universitetinin Quba filialı yüksəkixtisaslı mütəxəssislərin hazırlanması sahəsində verdiyi töhfəyə görə təşəkkür əlaməti olaraq "Tiraspol Dövlət Universiteti" medalı ilə təltif edilmişdir".

Qeyd edək ki, Moldova Respublikasının ilk ali təhsil müəssisəsi olan Tiraspol Dövlət Universiteti 1930-cu ildən fəaliyyət göstərir. Hazırda universitetdə 32 ixtisas mövcuddur ki, onlardan ən populyarları riyaziyyat, fizika, biologiya, kimya, xarici dillər, informatika, psixologiya və pedaqogika ixtisaslarıdır.