8 Mart-Beynəlxalq Qadınlar Günü münasibətilə "Zoom” platforması üzərindən onlayn formatda görüş keçirilib.
Tehsil.biz xəbər verir ki, görüşdə Gəncə Şəhər Təhsil İdarəsinin müdiri Anar Qədiməliyev və GŞTİ-nin tabeliyində fəaliyyət göstərən körpələr evi - uşaq bağçalarının müdirləri iştirak ediblər.
Görüşdə çıxış edən Anar Qədiməliyev görüş iştirakçılarını əlamətdar gün münasibətilə təbrik edib və onlara xoş arzularını bildirib.
Azərbaycanda qadınlarla bağlı həyata keçirilən dövlət siyasətinin əhəmiyyətini vurğulayan idarə müdiri xanımların ölkə həyatının digər istiqamətlərində olduğu kimi, təhsil sahəsində də öncül mövqe tutduğunu qeyd edib.
Azərbaycan qadınlarının tarixin bütün dövrlərində qəhrəmanlıq, cəsurluq, fəallıq, yenilməzlik nümunəsi olduğunu söyləyən idarə müdiri xanımların üzərinə düşən vəzifələri layiqincə yerinə yetirməsi və cəmiyyətdə fəal mövqe tutmasını yüksək qiymətləndirib.
