“Azərsun Holdinq”in bir qrup əməkdaşı Azərbaycan Dövlət Aqrar Universitetin (ADAU) “Aqronomluq”, “Baytarlıq”, “Zoomühəndislik”, “Aqromühəndislik”, “Marketinq” və “Torpaqşünaslıq və aqrokimya” ixtisasının tələbələri ilə görüşüb.

TƏHSİL.BİZ -in bölgə müxbiri xəbər verir ki, tədbirin məqsədi “Azərsun Holdinq”in fəaliyyət sahələri tanıtımı, təcrübə proqramları və işə götürmə məsələləri haqqında tələbələrə məlumat vermək olub.

Tədbirdə “Azərsun Holdinq”in Qazax və Suqovuşandakı aqroparklarının direktoru Nəbi Paşayev, Kateqoriya Təkmilləşdirmə Departamentinin müdiri Elşən Əhədzadə, brend menecer Rafael Novruzəliyev, işə qəbul üzrə mütəxəssislər Orxan Yəhyayev və Mürsəl Mürsəlli, brend üzrə mütəxəssis Firuzə Mikayılova iştirak ediblər.

Çıxış edən universitetin Tədris işləri üzrə prorektoru Əhməd Məlikov bu cür görüşlərin keçirilməsinin əhəmiyyətinin diqqətə çatdırıb.

Digər çıxış edənlər “Azərsun Holdinq”in işə götürmə və təcrübə imkanları barədə tələbələrə məlumat veriblər.