Sumqayıt Dövlət Universitetinin əməkdaşları Qazaxıstana səfər çərçivəsində K.İ.Satbayev adına Qazax Milli Tədqiqat Texniki Universitetində olublar.
Universitetdən TƏHSİL.BİZ -ə bildirilib ki, görüşdə iki universitet arasında əməkdaşlıq istiqamətləri, elmi tədqiqat üzrə yeni yanaşmaların tətbiqi, birgə məzmun hazırlığı, müəllim və tələbə mobilliyi layihələri müzakirə olunub.
Bildirilib ki, görüş zamanı tərəflər arasında birgə fəaliyyətin həyata keçirilməsi, əməkdaşlığın daha da möhkəmləndirilməsi və inkişaf etdirilməsi istiqamətində memorandum imzalanıb.
