Azərbaycan Dövlət Pedaqoji Universitetində (ADPU) Azərbaycan Turizm və Menecment Universitetinin (ATMU) Beynəlxalq əlaqələr şöbəsinin müdiri Orxan Musa və İtaliya Ticarət Agentliyinin (İTA) nümayəndəsi Nərmin Eyyubova ilə görüş keçirilib.

ADPU-dan TƏHSİL.BİZ -ə bildirilib ki, rektor Cəfər Cəfərov qonaqlara Pedaqoji Universitetin beynəlxalq əlaqələri, icra etdiyi və tərəfdaş olduğu beynəlxalq layihələr barədə məlumat verib. Görüş çərçivəsində İtaliya-Azərbaycan münasibətləri, Pedaqoji Universitetdə yaradılacaq İtaliya Mərkəzinin fəaliyyət istiqamətləri, İtaliya universitetləri ilə əməkdaşlıq, ikili diplom, “Erasmus” proqramı çərçivəsində tələbə-müəllim mübadiləsi kimi məsələlərlə bağlı müzakirə aparılıb.

ATMU-nun nümayəndəsi Orxan Musa İtaliya Mərkəzinin fəaliyyət göstərəcəyi əsas istiqamətlər haqqında ətraflı məlumat verib, qurulacaq yeni əməkdaşlığın gələcəkdə daha da genişləndirilməsinin vacibliyini vurğulayıb.

Görüşdə beynəlxalq əlaqələr üzrə prorektor professor Mahirə Hüseynova, tədris işləri üzrə prorektor dosent Eldar Aslanov, Beynəlxalq əlaqələr şöbəsinin müdiri Günay Məhərrəmova və şöbənin mütəxəssisi Rufanə Əhmədova iştirak ediblər.