Dövlət İmtahan Mərkəzi (DİM) tərəfindən 2025-ci ildə keçiriləcək imtahanların siyahısı açıqlanıb.

TƏHSİL.BİZ fevral ayında keçiriləcək imtahanlar və imtahana qeydiyyat tarixlərini təqdim edir.

Fevralın 13-də taksi sürücüləri, avtomobil ilə beynəlxalq sərnişin və yük daşımaları fəaliyyətinin operatorunun məsul şəxsləri və beynəlxalq yük daşımalarını həyata keçirən sürücülərin imtahanı keçiriləcək.

Fevralın 16-da keçiriləcək imtahanlar:

BB vəzifə altqrupu üzrə test imtahanı;

Magistratura səviyyəsinə qəbul imtahanının I cəhdi;

Doktorantura və dissertanturada təhsil alan və ya təhsilini bitirmiş iddiaçılar üçün xarici dil imtahanı;

Dövlət qulluğunda fəaliyyətin davam etdirilməsi üzrə imtahan keçiriləcək.

Fevralın 17-də doktorantura və dissertanturada təhsili alan əcnəbilər və vətəndaşlığı olmayan şəxslər üçün Azərbaycan dili (dövlət dili) imtahanı keçiriləcək.

Fevralın 19-da xarici dil imtahanı (doktorantura, danışıq bloku) keçiriləcək.

Fevralın 20-dən etibarən:

Ali təhsil müəssisələrinə qəbul imtahanlarında iştirak etmək üçün qeydiyyat;

Tam (11 illik) orta təhsil bazasında orta ixtisas təhsili müəssisələrinə qəbul olmaq istəyənlərin qeydiyyatı;

Ümumi (9 illik) orta təhsil bazasında orta ixtisas təhsili müəssisələrinə qəbul olmaq istəyənlərin qeydiyyatı başlayacaq.