Azərbaycan Universitetində Ümummilli Lider Heydər Əliyevin xatirəsinə həsr olunmuş XI Daxili Şahmat Turniri keçirilib.

Universitetdən TƏHSİL.BİZ -ə bildirilib ki, şahmatın blits növü üzrə keçirilən yarış tələbələrin asudə vaxtlarının səmərəli təşkili və şahmatın kütləviliyinin artırılması məqsədilə təşkil olunub.

Turnirdə iştirak edən tələbələr fərdi şəkildə mübarizə aparıblar. Universitetin baş məşqçisi Nazim Mehralıyevin hakimliyi ilə keçirilən görüşlər maraqlı, eyni zamanda gərgin mübarizə ilə yadda qalıb.

Yarışın nəticələrinə əsasən Biznes və iqtisadiyyat fakültəsinin marketinq ixtisası üzrə təhsil alan I kurs tələbələri Cavid Qasımov birinci, Abdullah Kərim ikinci yerdə qərarlaşıb. Humanitar və sosial elmlər fakültəsinin politologiya ixtisası üzrə təhsil alan II kurs tələbəsi Üzeyir Kərimov isə üçüncü yeri tutub.

Qaliblər kubok və sertifikatla mükafatlandırılıb.

Xəbəri sosial şəbəkələrdə paylaşın