Azərbaycan Milli Elmlər Akademiyasının (AMEA) Qafqazşünaslıq İnstitutu ləğv edilib.
AMEA-nın Rəyasət Heyətindən TƏHSİL.BİZ -ə verilən xəbərə görə, müvafiq qərar bir neçə gün əvvəl keçirilən iclasda qəbul edilib.
Bildirilib ki, AMEA-nın 18 nəfər elmi işçidən ibarət olan Qafqazşünaslıq İnstitutunun saxlanılması məqsədəuyğun olmayıb və onun fəaliyyətinə xitam verilməsi haqqında qərar qəbul edilib:
“İnstitutun Qafqaz tarixi ilə əlaqədar şöbələrinin əməkdaşları Tarix və Etnologiya İnstitutunda, siyasi elmlərə aid olan əməkdaşları isə Fəlsəfə və Sosiologiya İnstitutunda yaradılan bu sahələrə aid genişləndirilmiş yeni şöbələrdə elmi-tədqiqat işlərini daha əhatəli şəkildə davam etdirəcəklər”.
