SOCAR-ın Bakı Ali Neft Məktəbinin (BANM) rektoru Elmar Qasımov Bakıda 2024-cü il noyabrın 11-22-də keçirilmiş COP29-da könüllü və fəal iştirak etmiş 76 tələbə ilə görüşüb.

Bu barədə TƏHSİL.BİZ -ə BANM-dən məlumat verilib.

Rektor Azərbaycan Respublikasının Prezidenti İlham Əliyev tərəfindən tələbələrin göstərdiyi fəallığa yüksək qiymət verildiyini və onların təşəkkürnamə ilə təltif edildiyini vurğulayıb. O, könüllülərə pul mükafatı təqdim edildiyini də xatırladıb.

Elmar Qasımov ölkə başçısına minnətdarlığını ifadə edərək, COP29-un iqlim dəyişiklikləri ilə mübarizədə qlobal əhəmiyyət daşıdığını, bu tədbirin həm Azərbaycan, həm də BANM tələbələri üçün böyük təcrübə platforması olduğunu vurğulayıb.

Sonda rektor təşəkkürnamələri təqdim edib.

Tələbələr isə COP29 təcrübələri ilə bağlı öz təəssüratlarını bölüşərək bu tədbirin onların şəxsi və peşəkar inkişaflarına müsbət təsir etdiyini bildiriblər.