Logo

Özbəkistanlı alim BDU tələbələrinə mühazirə oxuyub

08.05.2025 15:35 78 baxış
IMG

Özbəkistanın Qo'qon Dövlət Universitetinin dosenti Bekzot Baratbayev Bakı Dövlət Universitetinin (BDU) İnformasiya və sənəd menecmenti fakültəsinin tələbələrinə “Kitabxanaçılıq və informasiya fəaliyyəti ixtisası üzrə kadr hazırlığı: problemlər və perspektivlər” mövzusunda mühazirə oxuyub.

BDU-dan TƏHSİL.BİZ -ə bildirilib ki, dosent Bekzot Baratbayev məruzəsində Özbəkistanda kitab, kitabxana və biblioqrafiya mədəniyyətinin ənənələri və inkişaf istiqamətləri, bu sahədəki tarixi mərhələlər və müasir çağırışlar barədə ətraflı məlumat verib. O, kitabxanaçılıq və informasiya fəaliyyəti üzrə kadr hazırlığı sisteminin formalaşma və inkişaf tendensiyalarından, sahənin yeni paradiqmalarından bəhs edərək, Azərbaycan və Özbəkistan təcrübələrini müqayisəli təhlil edib. Vurğulayıb ki, hər iki ölkədə bu sahə üzrə təhsil yeni texnologiyalar, rəqəmsal transformasiya və informasiya xidmətlərinin inteqrasiyası kontekstində yenidən strukturlaşdırılır.

Mühazirədə, həmçinin sahə üzrə kadr hazırlığında inteqrasiya meylləri, beynəlxalq təcrübə, universitetlərarası əməkdaşlıq modelləri və ortaq layihələrin həyata keçirilməsi kimi mühüm istiqamətlər əksini tapıb.

Sonda tələbələrin çoxsaylı sualları cavablandırılıb.

Xəbər lenti