AMEA Nizami Gəncəvi adına Ədəbiyyat İnstitutunun təşkilatçılığı ilə keçirilən “Asiya xalqları ədəbiyyatı: ənənələr və müasir tendensiyalar” mövzusunda beynəlxalq konfransın iştirakçıları “Yaşıl dünya naminə həmrəylik ili”nə töhfə olaraq AMEA-nın Nadir ağaclar parkında ağacəkmə aksiyasında iştirak ediblər.

Akademiyadan TƏHSİL.BİZ-ə  verilən məlumata görə, AMEA-nın prezidenti akademik İsa Həbibbəyli, AMEA Rəyasət Heyətinin üzvləri, Türkiyə, Pakistan, Çin, Hindistan, Cənubi Koreya, Vyetnam, Özbəkistan, Qazaxıstan və başqa ölkələrdən gəlmiş tanınmış alimlər akademiya şəhərciyində salınmış Nadir ağaclar parkında ölkəmizin iqlim şəraitinə uyğun, dözümlü ağac və kol bitkiləri əkib, aqrotexniki qulluq göstəriblər.