“Azərbaycan Nəşriyyatları Assosiasiyası” İctimai Birliyi və Mədəniyyət Nazirliyinin birgə təşkilatçılığı ilə ANAİB I Bakı Kitab Festivalı keçirilir.

TƏHSİL.BİZ  xəbər verir ki, “Yeni ilə yeni kitablarla!” şüarı ilə keçirilən festivala ANAİB üzvü olan nəşriyyatlarla yanaşı digər nəşriyyatlar da qatılıb, öz kitablarını təqdim edirlər. Yeni il əhval-ruhiyyəsində keçirilən sərgidə minlərlə kitab 90%-dək endirimlə təklif olunur, tanınmış yazıçıların, şairlərin təqdimat və imza mərasimləri, məşhurlarla görüşlər, şeir saatları, uşaqlar üçün nağıl saatlarının təşkili nəzərdə tutulub.

Son illərdə keçirilən sərgilərin formatına əlavə kimi festivalda yerli qəzet və jurnallar da stendlə təmsil olunur. “Azərbaycan müəllimi” də sərgidə iştirak edən qəzetlər sırasındadır.

Bakı Əl Oyunları Sarayında baş tutacaq festival hər gün 10:00-dan 20:00-dək oxucuların üzünə açıq olacaq.

Festivalda 30-dan çox nəşriyyatın iştirakı gözlənilir.

Giriş sərbəstdir.

Festival dekabrın 22-dək davam edəcək.