UNEC-in Təcrübənin Təşkili şöbəsi və "INNAB Business School"un birgə təşkilatçılığı ilə 29 May tarixində "Universitetlər və İşəgötürənlərin I Beynəlxalq Forumu" keçiriləcək.

Bu barədə TƏHSİL.BİZ -ə UNEC-dən məlumat verilib.

Bildirilib ki, bu forum təhsil, təcrübə və karyera mövzusunda dəyərli dialoqlar üçün əvəzolunmaz bir fürsət təqdim edəcək.

Forumda:

• Təhsil və iş dünyası bir araya gələcək;
• Əmək bazarının real ehtiyacları müzakirə olunacaq;
• Peşəkarlarla canlı workshoplarda biliklər paylaşılacaq;
• Gənclər üçün fürsətlər və əlaqələr yaradılacaq.

Əsas istiqamətlər:

• Universitetlərlə işəgötürənlər arasında körpü qurmaq;
• Gənclərin peşəkar inkişafına dəstək olmaq;
• Şəbəkələşmə, təcrübə və inklüziv imkanlar;
• Peşəkar mütəxəssislərin təqdimatında workshoplar.

Tədbir hibrid formatdadır - istər UNEC-də, istər dünyanın istənilən nöqtəsindən onlayn şəkildə iştirak etmək olar.

Forumda iştirak etmək arzusunda olanlar bu linkdən qeydiyyatdan keçə bilərlər.