Azərbaycan Dövlət İqtisad Universiteti ilə (UNEC) Macarıstanın Mathias Corvinus Kolleci arasında yeni əməkdaşlıq imkanlarının genişləndirilməsi ilə bağlı görüş olub.
UNEC-dən TƏHSİL.BİZ -ə bildirilib ki, görüşün əsas məqsədi iki universitet arasında əməkdaşlıq imkanlarını araşdırmaq və beynəlxalq akademik tərəfdaşlığı gücləndirmək olub.
Qarşılıqlı müzakirələr zamanı beynəlxalq akademik tərəfdaşlıqların inkişaf etdirilməsi, tələbə və müəllim mobilliyinin artırılması, eləcə də təcrübə mübadiləsi məsələləri ətrafında fikir mübadiləsi aparılıb.
Sonda birgə tədqiqat aparılması, seminarların və mühazirələrin təşkili, eləcə də akademik mübadilə proqramlarının həyata keçirilməsi kimi məsələlər müzakirə olunub.
