Oktyabrın 16-da Almaniya Federativ Respublikasının Berlin şəhərində yerləşən Azərbaycanın Almaniyadakı Səfirliyinin Mədəniyyət Mərkəzinin və Bakı Slavyan Universitetinin (BSU) birgə təşkilatçılığı ilə “Germanistikanın yeni yolları: Alman dili və ədəbiyyatı Azərbaycanda” adlı elmi konfrans keçirilib. Tədbirdə BSU-nun rektoru Anar Nağıyev və universitetin bir sıra əməkdaşı iştirak edib.
Konfransın açılış mərasimində BSU-nun rektoru Anar Nağıyev və Azərbaycanın Almaniyadakı fövqəladə və səlahiyyətli səfiri Nəsimi Ağayev çıxışlarında Azərbaycan-Almaniya elmi və mədəni əlaqələrinin əhəmiyyətini vurğulayıblar.
Elmi müzakirələr Germanistika sahəsinin tanınmış mütəxəssisləri və professorları Ziglinda Hartman, Cemal Yıldız, Leyla Coşan, Eva Maria Auch, Sevinc Rzayeva, Fatimə Salimova, Ernest Hess-Lüttich, Aleksandr Kartozianın çıxışları ilə davam edib.
