Azərbaycanın müxtəlif ali təhsil müəssisələrinin iştirak etdiyi Universitet Liqasının payız mövsümü başa çatıb.
“Bilik Kuboku” uğrunda mübarizədə SOCAR-ın Bakı Ali Neft Məktəbinin (BANM) "Better Call P" komandası qalib gəlib. Komanda bütün rəqiblərini geridə qoyaraq birinci yerə layiq görülüb.
Bu barədə TƏHSİL.BİZ -ə BANM-dən məlumat verilib.
Turnirdə ölkənin 6 regionundan 25 ali təhsil müəssisəsi və 250-dən çox komanda iştirak edib. Üç ay davam edən yarışın məqsədi tələbələr arasında intellektual oyunlara marağı artırmaqdır. Universitet Liqası Azərbaycan Gənclər Fondunun dəstəyi, Azərbaycan Tələbə Gənclər Təşkilatları İttifaqı və Xəzər İntellektual Gənclər Klubunun birgə təşkilatçılığı ilə keçirilib.
